تحدث المطرب حسام حبيب عن تفاصيل حلاقته لشعر طليقته الفنانة شيرين عبد الوهاب، مؤكداً أنها هي من اتخذت هذا القرار بنفسها، وليس له أي علاقة بالأمر.

وقال حسام حبيب، خلال لقائه ببرنامج «العرافة» الذي تقدمه المذيعة بسمة وهبة على شاشة النهار :«الدكتور اللي كان بينظم علاقتنا كان ينصحني لو شيرين متعصبة سيب المكان وروح مكان تاني، وعملت كده فعلاَ ونمت وصحيت ملقتهاش في البيت بعد كذا يوم كلمتني وقالتلي أنا في المكان الفلاني تعالى».

وأضاف :«لما روحت اتكلمنا عادي، لها كان في واحد صاحبنا وواحدة صاحبتنا وبعدها طلبت مني أسمع لها الأغاني بتاعتي اللي أنا عملتها وحينما سمعتها قالت لي أنت بتعمل لنفسك أغاني أحسن من اللي بتعملها لي قلت لها مش ده اللي انتي عايزاه خلاص، قالتلي هو انت بتجبي عليا هو انا بشحت منك، وراحت معيطة».

وتابع:«وبعد كدة صاحبتنا قالت لي خلي بالك من فلان، اللي كان ماسك شغل شيرين قبل كدة، هو بيسخن شيرين عليك».

وأكمل: "فدخلت وقالت لي بتتكلم معاها في إيه أنت جاي تنكد علينا، وقالت لي أقوم روح، وبعدها قالتلي أنا عايزة أطلق، قولتلها كفاية ياشيرين، تبقى كذا لو  مطلقتنيش، قلت لها قومي البسي وهننزل نطلق قالتلي انا شيرين عبد الوهاب أنا منزلش، وصاحبتنا قالتلي عدي الموضوع، قلتلها هنطلق عشان مينفعش تقول لي اللفظ ده".

وأردف: "وبعدها قلت لصاحبتنا روحي شوفي فين شيرين خبطنا عليها مش بتفتح لكن بعدها طلعت لقيناها بالمنظر ده أنا اتخضيت جداَ فهي اللي حلقت شعرها، أنا اتصدمت، مفيش حاجة حصلت تستدعي اللي هي عملته، ده رد فعل هخلي الناس كلها تقولك يا كذا ياللي عملت كذا».

وتابع حسام حبيب: "شيرين كلمت مامتها وأختها، وكل اللي اأنا خايف منه لما تشوف بنتها بالشكل ده هتنهار، أنا نفسي انهارت، هي عايزة تكسرني عشان وافقت أطلقها".