أعلنت الناشطة الحقوقية منى سيف، عبر حسابها على موقع "فايسبوك" عن زواجها بالممثل عمرو عابد منذ عام.
نشرت منى سيف صورتين عبر حسابها على "فايسبوك" كشفت فيه زواجها بالمثّل عمرو عابد في عيد زواجهما الأوّل، وعلّقت منى سيف على الصرة قائلة: "زي النهاردة من سنة اتجوزت حب حياتي
وزي النهاردة من سنة كانت جلسة علاء في قضية اهانة القضاء في نفس اليوم.. يومها وانا باجهز كنت باتجنب الوقوف عند غياب بابا، وكنت مستغربة جدا جدا غياب علاء، يعني ايه يبقى علاء مش معايا؟ يعني ايه نبقي في نفس البلد، بينا مسافة شوارع ويبقى ما ينفعش يبقى معايا، مجبر يبقى بعيد؟ .. في اللحظة اللي المفروض يبقى معايا فيها بيشاركني يوم مهم جدا في رحلتي مع عمرو".
واستكملت: "كل انجاز شخصي، كل لحظة احتفاء، بييجي معاها ادراك اكبر لغياب اللي بنحبهم
وحدة قياسنا للزمن بتتغير... سنة جواز، سنة جواز وبابا مش هنا، سنة جواز وعلاء في السجن.. الغياب بشكل عام تجربة قاسية جداً، بس موضوع حبس اخواتنا اللي بيستمر بالسنوات ده، قسوته اكبر من الكلام .. كل سنة والحب بيشبك احلامنا ورحلتنا، وهاتوا اخواتنا من الزنازين وكفاية كدة".
جدير بالذكر أنّ منى سيف هي شقيقة الناشط السياسي علاء عبد الفتّاح وإبنة الراحل الدكتور أحمد سيف الإسلام عبد الفتاح.