حلت الفنانة هنا الزاهد، ضيفة مع الإعلامي أنس بوخش في برنامج ABtalks، وتحدثت عن الزواج والاستقرار والأمان العاطفي في الزواج، لافتة إلى أنه من الصعب الشعور بالفتور عندما ينتهي كل شيء، واصفة ذلك بالقول "بتبقى حاجة وحشة".

ورداً على سؤال كيف يمكن المحافظة على استمرار المشاعر في الزواج، قالت هنا الزاهد: "لازم الإنسان يبقى صادق جداً، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه".

وتابعت: "ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال".

وتحدثت هنا الزاهد عن الغيرة في الزواج قائلة: "الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي".

كما كشفت هنا الزاهد عن الأشياء التي تغيرت في شخصيتها بعد الزواج.

وقالت: "اكتشفت إني لازم أحافظ على قلبي جداً، وهيبقى صعب جداً حد يدخل حياتي".

وأضافت هنا الزاهد: "عارف لما تبقى قلبك اتكسر أوي، هو حصل له كده، رممته لوحدي وأهلي كإنهم رمموني ووقفوني على رجلي، بس بالليل وإنت نايم لوحدك بتبقى لوحدك. ومفيش حد هيدخل حياتي إلا لو عارفة إنه صح أوي".

أوضحت هنا الزاهد أنها لا تعاني من عقدة حاليا قائلة: "أنا في أسعد فترات حياتي، والفترة دي مركزة في إني أسعد هنا، وأي حاجة كنت نفسي أعملها بعملها".

يذكر أن هنا الزاهد تنتظر عرض أحدث أفلامها السينمائية "ريستارت" يوم 29 مايو المقبل.

فيلم "ريستارت" تأليف أيمن بهجت قمر وإخراج سارة وفيق وبطولة تامر حسني وهنا الزاهد وباسم سمرة وعصام السقا وميكا ومحمد ثروت، وعدد من النجوم.