ضجّت مواقع التواصل الاجتماعي خلال الساعات الماضية بخبر لافت يتعلّق بالفنان حسام حبيب، الذي أثار موجة واسعة من الجدل بعد أن ألغى متابعته لحساب عارضة الأزياء الأردنية "سارة" عبر "إنستغرام"، ما دفعها بدورها إلى اتخاذ الخطوة ذاتها.

وفي أول ردّ له على الضجة المثارة، خرج حسام حبيب عن صمته عبر تصريحات غاضبة لبرنامج ET بالعربي، فنفى بشكل قاطع كل الأخبار المتداولة حول خطوبته، مؤكداً أن الأمور لم تصل أصلاً إلى تلك المرحلة، متهماً وسائل الإعلام والسوشيال ميديا بـ"إفساد" العلاقة التي كان من المفترض أن تُبنى على هدوء واحترام، بعيداً عن العيون.

وقال:"الموضوع ما وصلش خالص للخطوبة، هما سبقوا الأحداث وخلّوا الموضوع يتعقّد بدل ما يحصل فيه خير... الحاجة اللي بيتكلموا عنها عمرها ما وصلت لربع اللي بيتقال. على طول الناس بتخرّبلي حياتي!".

وأضاف حبيب بنبرة غاضبة:"لو كان في حاجة، هما كده بوّظوها... أهل البنت ناس محترمين جداً جداً، ليهم عاداتهم وتقاليدهم... مش عارف إيه اللي حصل للمصريين؟ النخوة اللي كانت عندنا راحت فين؟".

وأكمل: "دلوقتي بيتكلموا عن بنت وليها عائلة كبيرة، وكل همّهم التريند والفيديو يجيب كام؟!".

ونفى حسام بشكل قاطع أي تصريحات نُسبت إليه حول تأكيد الخطوبة، مؤكداً أنه لم يتحدث مع أي وسيلة إعلامية، قائلاً: "أنا ما قلتش حاجة لحد نهائي! والبنت أصلاً صغيرة... اللي جاي هيبقى وحش وهيبقى في قضايا!".

واختتم رسالته الحادة بتحذير صريح: "أنا هشوف مين اللي كتب الكلام ده على لساني وهحبسه! وهكبّر المشكلة، لأن البنت دي بنت ناس كبيرة قوي في الأردن".