الشعر السوداني الدارجي هو الشعر السوداني العامي أي باللهجة العامية، ويتميز هذا الشعر بمواضيعه البسيطة التي تتناول الحياة العادية للمواطن السوداني ومشاعره بطريقة خلابة، واخترنا لكم هنا بعضاً من هذه الأشعار.
المحتويات:
شعر سوداني دارجي لعلي عبيد أحمد أبوه:
لما اسمع لي سلامك
ترتعش كل التحايه
يبقي صوتك لي غنيه
ترتسم في كل حكايه
ماهو صوتك ديمه ساكن
زكري من صوتك كفايه
صوتك المعسول يدندن
يبقي لي احساسي غايه
كل ما يغريني شوقك
اكتب الاشواق روايه
مابظن من غيرك اعشق
وابدي من اول بدايه
بس فراقك لي قاسي
وببقي صامد للنهايه
مابسيب عنيك تحزن
اصلي عشمان بيك معايه
من عنيك ياغالي تسلم
تبقي نظراتك شفايه
مابسيب ريدك وامشي
بس سلامك لي كفايه
شعر سوداني دارجي لعوض موسى فضل السيد:
سيمفونية الجمال
نهلة
لما تجتاح المشاعر
موجة الشوق والحنين
لما تصبح أغنياتنا
لهفة الريد والأنين
لما نسأل عن صباحك
يا المسافر بالسنين
كيف بننهل من عيونك
نهلة ترويها العيون
كيف بنحكيك شوقنا ليك
لوعة الروح والشجون
كيف وكيف يا النائي دربك
في الغروب بين السكون
********
نهلة كم علمتي روحنا
كيف تحن تشتاق توافي
تكسر الخط الموازي
وتمشى للزمن الخرافي
ترسم اللحظات حديقة
وتكتب الدمعات قوافي
تمسح الحزن الضبابي
وترسي في حضن المرافئ
تسألك يا أغلى غالي
أنتي كيف حالك عوافي
أنتي يا الحلم المسافر
يا الرحيق يا الشهد صافي
ملهمة ليلنا وصباحنا
لو تزوري ولو تجافي
*******
نهلة ما شافت عيوني
في الجمال قبلك خيالي
لوحة كان فان جوخ رواها
غنية في الزمن المثالي
سيمفونية بلا نهاية
في ربيع أحلى الليالي
نجمة في أعلى المجرة
تضوي للشهب العوالي
نفحة بالطيب والمحبة
علمت روحنا التعالي
إيه أقول يا نور عيوني
غير بريدك وغير تعالي
وإيه أقول يا أسمى معنى
مراجع:
https://www.youtube.com/watch?v=-qddg1WRUzw